(हसन सैय्यद ब्यूरो चिफ ,छत्रपती संभाजी नगर औरंगाबाद.)
वैजापूर विधानसभा मतदारसंघाची होत असलेली निवडणूक अत्यंत चुरशीची व रंगतदार होत असून या दहा दिवसांमध्ये कोण कुणावर कशा पद्धतीने आरोप प्रत्यारोप करणार आहे. हे पाहणं उत्सुकतेच ठरणार आहे. भाजपाचे बंडखोर अपक्ष उमेदवार एकनाथराव जाधव यांच्या प्रचाराचा शुभारंभ मतदार संघातील शंकर स्वामी संस्थान शिऊर, देविदाक्षणी माता मंदिर लासुर, संत गंगागिरी महाराज आश्रम सरला बेट अशा विविध देवस्थानच्या ठिकाणी नारळ फोडून करण्यात करण्यात आला आहे. दि.७ गुरुवार रोजी रात्री लोणी खुर्द येथे प्रचार सभेनिमित्त बोलतांना ते म्हणाले मला ग्रामीण भागातील शेतकऱ्यांची कष्टकऱ्यांची सुशिक्षित बेरोजगारांची व गावातील समस्यांची चांगली जाण आहे. त्यामुळे मला प्रचंड मतांनी विजयी करुन मला तुमची सेवा करण्याची एक वेळेस संधी द्या म्हणत त्यांनी विरोधकांच्या विकास कामांचा समाचार घेत त्यांनी आपली बाजू मतदारांना पटवून सांगितली.
यावेळी दिलीप आवारे, ज्ञानेश्वर तुरकाने, नारायण तुपे, उदय सोनवणे, आप्पा जाधव, वसंत पवार, किशोर मगर, निकम सर यांच्यासह अनेक पदाधिकारी नेते मंडळी व ग्रामस्थ मोठ्या संख्येने उपस्थित होते.
